Prolog
Jürgen I. (zum 2. mal) & Diana I.

 

 

Mir grüßer Eich, Ihr liewer Leit,

 

unn hoffer sehr, dass Ihr Eich freit,

 

weil mir zwei sinn jetzt bis nächschdes Jahr

 

Eier neies Prinzenpaar!

Für meine Frau, die Diana,

war die Sache gonz schnell klar.

 

Als Dirk im Sommer uns hat g´fragt,

do hedd i fascht glei „Ja“ gesagt!

 

Doch erscht stand unser Urlaub an,

danach stand fest: Mei Frau –

 

mein Mann

 

Mir schnapper uns ´s Zepter und die Kron´

unn setzer uns beim FFC uff dä Narrer-Thron!

 

Die Idee war net nur gut, die war sogar top

unn dodruff jetzt ä dreifaches

Hoppele hopp,

hoppele hopp,

hoppele hopp hop hop!

 

Halt, wärd do jetzt moncher sager,

 

war der Jürgen net vor Jahrer

schun mol Prinz beim FFC?

Konn des donn so oifach geh?

 

Dodruff sag i wu steht geschreibt,

dass mä Prinz nur oimol bleibt?

Unn a wonn´s bschdimmt net allener g´fällt,

Leit, ´s gibt größere Probleme uff unserer Welt:

 

Corona, Krieg unn alles wärd deierer!

Des vergesse mär heit! Jetzt dinn mä feierer!

 

Mir versprecher Eich: als Prinzerpaar

senn mir für Euch alle da!

 

Für alle, die uns noch net kenner,

woller mä jetzt noch ä paar Infos nenner:

 

I bin Prinzessin Diana I. unn kumm vum schwerer Bodder,

i bin so uffgregt, dasse fascht schdodder!

Mei Ärwert mache ganz beherzt

in Brusl bei der Rheuma-Ärzt.

Unn a mei Hobby isch gonz nett:

I trainier´mit der Anja unser Männerballett!

Unn i bin Jürgen I. zum 2. Mol und schaff´ uffäm Omt,

i glab i bin dä meischdä bekonnt!?

 

Äm Rothaus binne schun 33 Jahr,

i g´hör also fascht zum Inventar!

 

Es gibt also zwei närrischer Jubiläer mit 3 x 11 Jahr

unn drum senn mä jetzt ´s Jubiläums-Prinzerpaar!

 

Än dä Freizeit mach i ab unn zu Schbort,

for mei Frau dageger isch Sport oifach Mord!

I steh äm Fußball äm Tor unn donz im Männerballett,

unn beim Donz-Dräning isch mei Frau net immer ganz nett!

 

Äm letschder Februar vor 18 Johr,

war´s, als ich

und ich

 

mein Herz verlor.

 

Äm Schmutziger in Kroner beim Fußballveroi

warer mä beide unn net gonz älloi

.

Mit Freind unn Freindinner warä mä beide vor Ort

unn nach fünf Stunder ginger mir zwei getrennt vunänonner fort.

 

Glei nach Fasching trafer mir uns in Grobach im Bundschuh

zu unserm erschdä romantischer Rondewu!

 

Do hatt bei uns – wie soll mär´s sager -

gonz schee arg der Blitz ei´gschlager!

Seit dem Dag senn mir ä Paar,

wie g´sagt, des war vor 18 Jahr!

2 6 do hemmer umgebaut,

2 7 hemmer uns getraut.

 

Zwei Kinner macher unser Glück komplett,

d´ Saskia unn der Max – die sinn beide gonz nett!

 

So, jetzt isch es endlich haus,

des Versteckspiel war än Graus!

Als früherer Messbu mussde lüger

Mir kamer uns vor wie zwei Betrüger

Es wurd´gerätselt unn spekuliert,

so mancher seine Wett´ verliert!

 

Ja, liebe Martina, spitz´ Dei Ohrer,

Du hasch leider unser Wett´ verlorer!

I du dä än dä Bar mol winker,

den Schampus dimmer zommer trinker!

 

Unn jetzt kummer mä gonz ohne Verdruss

so longsam awer sicher mol zum Schluss!

 

Awer bloß für jetzt, Ihr Leit,

nochher henn mä noch gonz viel Zeit!

Bei mä Sekt, Wein oder Bier,

bleiwer mä noch ä paar Stunder hier!

 

Mir hoffer die Kampagne wärd luschdich unn top

unn dodruff nochämol ä dreifach kräftiges

Hoppele hopp, hoppele hopp, hoppele hopp, hopp, hopp!

HELAU